Карате федерацијата на Македонија освои четири награди на манифестацијата Најдобри спортисти на Македонија за 2018 година, која традиционално ја организира Сојузот на спортски федерации на Македонија заедно со Агенцијата за млади и спорт.
Покрај наградата за најдобра национална спортска федерација која ја освои КФМ, Европскиот шампион Емил Павлов беше избран за најдобар спортист, првиот медалист во историјата на Младинските олимписки игри Фахик Весели е најдобар млади спортист, а тренерот на сениорската репрезентација во борби Сашко Арсовски е прогласен за најдобар тренер на Македонија.
НАЈДОБРИТЕ ЗА 2018 ГОДИНА СПОРЕД АМС:
НАЈУСПЕШЕН СПОРТИСТ: Емил Павлов (карате)
НАЈУСПЕШНА СПОРТИСТКА: Сара Ристовска (ракомет)
НАЈУСПЕШЕН СПОРТИСТ ВО СТРАНСТВО: Кирил Лазаров (ракомет)
НАЈУСПЕШНА ФЕДЕРАЦИЈА: Карате федерација на Македонија
НАЈУСПЕШЕН ТРЕНЕР: Сашко Арсовски (карате)
НАЈУСПЕШЕН МАШКИ НАЦИОНАЛЕН ТИМ: Ракометна репрезентација
НАЈУСПЕШЕН ЖЕНСКИ НАЦИОНАЛЕН ТИМ: Ракометна репрезентација
НАЈУСПЕШЕН СПОРТИСТ СО ИНВАЛИДИТЕТ: Оливера Наковска-Бикова (стрелаштво)
НАЈДОБАР МЛАД СПОРТИСТ: Фахик Весели (карате) - сребрен медал ЕП, бронзен медал МОИ
НАЈДОБРА МЛАДА СПОРТИСТКА: Анамарија Георгиевска (таеквондо), бронзен медал на СП во Тунис
НАЈУСПЕШЕН КЛУБ УНИВЕРЗИТЕТИ: Мал фудбал УКИМ
НАЈУСПЕШЕН КЛУБ СРЕДНИ УЧИЛИШТА: „8 Септември“ - Тетово
НАЈУСПЕШЕН КЛУБ ОСНОВНИ УЧИЛИШТА: „Тефејуз“ - Чаир