Македонскиот репрезентативец Реџеп Рушити со одлични борби во репасажот обезбеди настап во мечот за бронзениот медал на Светското првенство за кадети, јуниори и У21 во Бјелско-Бјала, Полска.
Рушити, кој настапува во категоријата до 84 килограми во конкуренција на У21, во недела ќе се бори за бронзениот медал против сенегалскиот каратист Мбаке Серињ Сек.
Македонскиот репрезентативец во првите две борби забележа победа над Французинот Јасин Бен Фаталах со 3-1, а потоа минимално загуби од Египќанецот Омар Осман со 0-1. Сепак, преку репасажот Рушити покажа извонредна борбеност и со три успешни настапи го заслужи местото во борбата за медал. Тој најпрво славеше со убедливи 9-0 против Полјакот Виктор Војарски, потоа го совлада Холанѓанецот Ниек ван дер Веиде со 5-2, а во следната борба забележа резултат 0-0 против Алжирецот Абдерразак Гори, со што го обезбеди настапот за бронзата.
Близу до борба за медал беше и Филип Стојанов во категоријата над 84 килограми. Стојанов забележа три последователни победи, против Бразилецот Лукас Биспо (2-0), Мароканецот Отмане Небал (1-0) и Австриецот Арман Селимовиќ (4-0). Во четвртата борба загуби со 2-4 од Французинот Адам Таџер, кој не успеа да се пласира во финалето, па нашиот репрезентативец не доби можност за настап во репасажот.
По две победи на првенството забележаа и Кенза Фетаи, Цветан Марагаритов и Вукашин Јовановиќ, кои исто така имаа добри настапи во своите категории.
На Светското првенство во Бјелско-Бјала учествуваат 2.022 каратисти од 114 држави, со вкупно 1.970 натпреварувачки влезови.
Резултати на македонските репрезентативци
У21 – Кати
Данка Стојкова – Елена Изабел Серос (Ел Салвадор) 0-5
У21 – Борби
До 50 кг
Наталија Карова – Катерине Лојо (Венецуела) 0-2
До 55 кг
Илијана Серафимова – Катарзина Левандовска (Полска) 0-1
До 61 кг
Кенза Фетаи – Емили Бонила (Венецуела) 1-1
Кенза Фетаи – Сара Шкријељ (Австрија) 7-0
Кенза Фетаи – Доае Чуруки (Мароко) 0-7
До 68 кг
Ера Коџа – Ешли Еспиноза (Венецуела) 0-2
Над 68 кг
Ердона Зибери – Софија Енгман (Шведска) / Јана Крентиќ (Босна и Херцеговина) – резултатот не е наведен
Машки – до 60 кг
Цветан Марагаритов – Марк Филшчински (Израел) 6-1
Цветан Марагаритов – Густаво Оливеира (Португалија) 2-0
Цветан Марагаритов – Танакорн Таолек (Тајланд) 0-1
Машки – до 67 кг
Вукашин Јовановиќ – Филип Мабиќ (Хрватска) 1-0
Вукашин Јовановиќ – Саад Алсаид (Саудиска Арабија) 2-0
Вукашин Јовановиќ – Јура Залајан (Ерменија) 0-4
Машки – до 75 кг
Или Билали – Јан Фиерек (Полска) 1-6
Машки – до 84 кг
Реџеп Рушити – Јасин Бен Фаталах (Франција) 3-1
Реџеп Рушити – Омар Осман (Египет) 0-1
Репасаж:
Реџеп Рушити – Виктор Војарски (Полска) 9-0
Реџеп Рушити – Ниек ван дер Веиде (Холандија) 5-2
Реџеп Рушити – Абдерразак Гори (Алжир) 0-0
Борба за бронзен медал:
Реџеп Рушити – Мбаке Серињ Сек (Сенегал)
Машки – над 84 кг
Филип Стојанов – Лукас Биспо (Бразил) 2-0
Филип Стојанов – Отмане Небал (Мароко) 1-0
Филип Стојанов – Арман Селимовиќ (Австрија) 4-0
Филип Стојанов – Адам Таџер (Франција) 2-4
