Карате Федерацијата на Македонија навистина ги има сите причини да биде горда на Берат Јакупи – тој е без сомнение еден од најголемите македонски спортисти на сите времиња, не само во каратето туку и воопшто.
Салата во Гостивар беше преполна до последното место – семејство, другари, соиграчи, ученици, поранешни противници, тренери и илјадници луѓе што години наназад го следеа и го живееја секој негов меч. Емоциите беа насекаде: солзи, аплаузи, скандирање „Берат! Берат!“, долгите прегратки... ретко се гледа таква љубов и почит кон еден спортист.
Под слоганот „Еден патопис, страст, историја!“ вечерта беше вистинска прослава на сè што Берат значеше за македонското карате:
- проекција на најубавите моменти од неговата кариера
- говори од поранешни тренери, соиграчи и ученици
- настапи на неговите сегашни шампиони кои тој ги создаде
- официјално пензионирање на кимоното и појасот со македонското знаме
Гостивар, градот што го роди и изгради овој шампион, му возврати со неверојатна енергија и благодарност.
Берат Јакупи не замина во пензија – тој само го затвори едно поглавје за да отвори ново, уште поголемо. Легендата продолжува да живее, сега од страни на татамито, во срцата на новите генерации.
- Прв прворангиран македонец на светската WKF ранг-листа во сениорска конкуренција
- Европски вицешампион (сребро) и бронзен во сениори
- Четирикратен европски шампион во помлади категории (кадети, јуниори, U21)
- Бронза на Светско првенство U21
- Светски и европски универзитетски шампион
- Златен на Медитеранско првенство
- Повеќекратен балкански и државен шампион
- Три пати прогласен за најдобар спортист на Македонија
Ова не е само личен успех – Берат ги урна сите граници и докажа дека од Македонија можат да излезат светски шампиони на највисоко ниво. Како натпреварувач беше неподнослив за противниците, а како тренер веќе години наназад создава нова генерација шампиони.
Легендо, фала ти за сè што направи за македонското карате и за Македонија!
Твоето име засекогаш ќе биде испишано со златни букви во историјата на нашиот спорт.
Уживај во заслужениот одмор и во новата животна победа – семејството и сè што следи.
Карате Федерацијата на Македонија ти должи вечна благодарност!
